ညဘက်တွေ လျှောက်မသွားပဲ အိမ်မှာပဲအေးဆေးနေခြင်းက သင့်ကို လူတော်ဖြစ်စေသလို လူ့ချမ်းသာပိုဖြစ်စေကြောင်း လေ့လာမှုတွေကဆို

ညဘက်တွေ လျှောက်မသွားပဲ အိမ်မှာပဲအေးဆေးနေခြင်းက သင့်ကို လူတော်ဖြစ်စေသလို လူ့ချမ်းသာပိုဖြစ်စေကြောင်း လေ့လာမှုတွေကဆို

သောကြာနေ့ညရောက်ပြီဆိုတာနဲ့ သူငယ်ချင်းတွေ စုပြီး ဘားတွေသွား၊ ကလပ်တွေသွား၊ ဒါမှမဟုတ် ပါတီတွေ အမြဲသွားနေတာက သင့်ရဲ့စိတ်ဖိစီးမှုတွေကို လျော့ပါးစေတယ်လို့ သင်ထင်နေပါလိမ့်မယ်။ အဲ့ဒီလိုသွားတော့မယ်ဆို အနည်းဆုံး အပြင်မှာသွားစားရမှာမို့၊ ကောင်းကောင်းမွန်မွန်လေး ၀တ်စားသွားရမှာမို့ ပိုက်ဆံကုန်ကျတာကို ထည့်မတွက်ရင်တောင် နောက်နေ့ အရက်နာကျတာ၊ ခေါင်းမကြည်တာ ၊ ကျန်တဲ့အားလပ်ရက်တွေကို ကောင်းမွန်စွာ မဖြတ်သန်းနိုင်တော့တာမျိုး ကြုံနိုင်ပါတယ်။ ဒီတော့ တစ်ခါတစ်လေ မဟုတ်ပဲ အပတ်တိုင်း၊ ညတိုင်းနီးပါး  night out လုပ်နေတာမျိုးထက်စာရင် အိမ်မှာနေတာက ဘယ်လိုကောင်းကျိုးတွေ ရှိနိုင်မလဲ ကြည့်ကြရအောင်။
 
၁။ ငွေကြေးကို ပိုစုဆောင်းလာနိုင်ပါလိမ့်မယ်။
အပတ်တိုင်း သူငယ်ချင်းတွေနဲ့ night out လုပ်တဲ့အခါ ဘာတွေကုန်ကျသလဲဆိုတာ ပြန်စဉ်းစားပါ။ အပေါ်မှာပြောထားသလို အပြင်မှာစားလို့ရှင်းရတာ၊ သောက်တာပါရင် ပိုတောင်ကုန်ကျနိုင်သလို ၊ အ၀တ်အစားအတွက်က လည်း ခေါင်းရှုပ်ခံကြရပါသေးတယ်။ ဒီတော့ တစ်ခါ night outလုပ်ရင် ကုန်တဲ့ပိုက်ဆံကိုစုပြီး အိမ်မှာ အရသာရှိတာလေး ချက်စား၊ ၀ိုင်လေး သောက်၊ ရုပ်ရှင်လေးကြည့် ဒါမှမဟုတ်လည်း စာဖတ်ပြီး အချိန်ကုန်ဆုံးမယ်ဆိုရင်လည်း တစ်ပတ်တစ်ပတ် တော်တော်လေး ပိုက်ဆံစုမိပါလိမ့်မယ်။ 
 
၂။ အာရုံတွေ မနောက်ရတော့ပဲ ကိုယ့်အတွက် သီးသန့်အချိန်လေးတစ်ခု ထွက်လာပါလိမ့်မယ်။
ညဘက်တွေ အပြင်ထွက် သောက်မိစားမိတဲ့အချိန် စိတ်ထဲ အားလုံးကို မေ့ပျော်ရွှင်နေပေမယ့် နောက်တစ်နေ့ မှာတော့ ခေါင်းကိုက်တာ၊ အရက်နာကျတာမျိုးတွေ ကြုံနိုင်ပါတယ်။ ငယ်တုန်းရွယ်တုန်းကတည်းက ဒီလိုမျိုးတွေ ဆက်တိုက် လုပ်နေမယ်ဆိုရင် သင့်ခန္ဓာကိုယ်က ကြာရင်လက်ခံနိုင်မှာ မဟုတ်တော့ပါဘူး။ ဒါဆို အသက်ရလာရင်ရော ဆိုပြီး မေးခွန်းထုတ်နိုင်ပါတယ်။ အသက်ရလာတဲ့အခါ ပိုလို့တောင် ဒီလိုဒဏ်မခံနိုင်တော့တာပါ။ အဲ့ဒီအစား ကိုယ်ဝါသနာပါတဲ့ အရာတစ်ခုခုကို အစားထိုး လုပ်ဆောင်မယ်ဆိုရင် သင့်အတွက် ပိုတိုးတက်စေနိုင်သလို နောက်ပိုင်းမှာ ဒီလိုဆုံးဖြတ်ချက်ချခဲ့မိလို့ သင့်ကိုယ်သင် ကျေးဇူးတင်မိပါလိမ့်မယ်။ 
 
၃။ သင့်ကိုလူတော်ဖြစ်စေပါတယ်။ 
သင်ညတိုင်း မိတ်ဆွေတွေ၊ အသိတွေနဲ့ စားသောက်ရင်း အချိန်တွေကုန်ဆုံးတာဟာ သင့်ဆိုရှယ်ပိုင်းအတွက် ကောင်းပါတယ်။ ဒါပေမယ့် သင့်စိတ်ထဲမှာရော ဘယ်လိုရှိပါသလဲ။ သင့်စိတ်ရဲ့လိုအပ်ချက်တွေကို ဖြည့်ဆည်းပေးနိုင်တယ် ထင်ပါသလား။ တကယ်တော့ လူတစ်ယောက်ကို ပိုက်ဆံမကုန်ကျပဲ စမတ်ဖြစ်စေဖို့ အလွယ်ကူဆုံးနည်းက သူ့လက်ထဲက စာအုပ်တစ်အုပ်ကို စိတ်ဝင်တစားဖတ်၊ မှတ်နေတဲ့ နည်းလမ်းပါပဲ။ ဒီအချက်ကို သိပ္ပံပညာရပ်တွေကလည်း အတိအလင်း ဖွင့်ဆိုထားပြီးပါပြီ။ စာဖတ်ပါ။ ကိုယ့်ဘာသာကိုယ်တိုးတက်အောင် လုပ်ပါ။ သင်ဝါသနာပါတဲ့ အရာတွေကို လုပ်ဆောင်ခြင်းကလည်း သင့်ကို စမတ်ဖြစ်စေသလို ပျော်ရွှင်မှုလည်း ရစေပါတယ်။ 
 
Night out ထွက်မယ့်အစား ဒီအချက်(၃)ချက်ကို လုပ်ဆောင်ပေးခြင်းအားဖြင့် သင့်ဦးနှောက်၊ သင့်ပိုက်ဆံအိတ်နဲ့ သင့်အသည်းကပါ သင့်ကို ကျေးဇူးတင်နေမှာ အသေအချာပါပဲ။
 
Ref:yourtango
Credit: trend.com.mm



Contact Us

Name

Email *

Message *

Back To Top