ကားထဲမှာ လုံးဝ လုံးဝ မထားခဲ့သင့်သည့် ပစ္စည်း ၉ မျိုး

ကားထဲမှာ လုံးဝ လုံးဝ မထားခဲ့သင့်သည့် ပစ္စည်း ၉ မျိုး



ကားဆိုတာ သွားလာရေး၊ သယ်ယူပို့ဆောင်ရေးအတွက် သုံးဖို့ဖြစ်သည်။ ပစ္စည်းတွေ ထားသိုသိမ်းဆည်းဖို့ နေရာမဟုတ်။ အောက်တွင်ဖော်ပြမည့် ပစ္စည်း ၉ မျိုးကို ကားထဲ ထားခြင်းသည် စာဖတ်သူ၏ ကျန်းမာရေးကို ထိခိုက်စေနိုင်သလို၊ လုံခြုံရေးကိုလည်း ထိခိုက်စေနိုင်၏။

ဆေးဝါး



ဆေးဝါး တော်တော်များများကို ပုံမှန်အခန်း အပူချိန်လောက်ရှိသော နေရာမှာသာ ထားသိုရသည်။ ကားတွင်း အပူချိန်သည် အခန်းအပူချိန်လောက်မှာ အမြဲရှိနေဖို့ မလွယ်။ ကားကို ရပ်ထားချိန်တွင် အထဲ၌ ပုံမှန်ထက် ပိုပူနေတတ်သည်။ ကားတွင်း အပူချိန်ကြောင့် ဆေးပျက်စီးသည်အထိ မဖြစ်နိုင်သော်လည်း အာနိသင်ကျဆင်းခြင်းတော့ ဖြစ်နိုင်သည်။ အလားတူပင် ရေချိုးခန်းအတွင်း နံရံကပ် ဗီရိုထဲ၌လည်း ဆေးဝါးတွေ ထည့်မထားသင့်။ ထိုနေရာကား လေထု စိုထိုင်းဆ များသဖြင့်ဆေးဝါး အာနိသင် လျော့စေနိုင်သည်။

အီလက်ထရောနစ် ပစ္စည်းများ

Laptop၊ ဖုန်းနှင့် အခြား ဒစ်ဂျစ်တယ်ပစ္စည်းများ ကားထဲမှာ မထားခဲ့သင့်။ မဖြစ်မနေ ထားခဲ့ဖိုလိုမည် ဆိုလျှင်လည်း ဒေတာများ အခြားသူလက်ထဲ ပါမသွားနိုင်အောင် Encrypt လုပ်ခဲ့ပါ။ ထိုသို့လုပ်ထားခြင်းဖြင့် ကားဖောက်ထွင်းခံရကာ ဖုန်းတွေ၊ Laptop တွေပါသွားလျှင်ပင် အထဲက ဒေတာများကို လွယ်လွယ်နဲ့ ခိုးလို့ရလိမ့်မည် မဟုတ်။ Encrypt လုပ်ထားခြင်းသည် ပုံမှန်အတိုင်း Password ခံထားခြင်းထက် ပိုအဆင့်မြင့်သော လုံခြုံရေး စနစ်ဖြစ်သောကြောင့် တော်တော်စိတ်ချရသည်။ Password မှန်အောင်ထည့်ပြီး ကျော်ဝင်လိုက်နိုင်လျှင်ပင် ဒုတိယအဆင့်အဖြစ် Encrypt လုပ်ထားသော ဒေတာများကို ဖော်ယူရခြင်းက ပထမအဆင့်ထက် အဆထောင်ချီ ပိုခက်ခဲသည်။

နေလောင်ခံလိမ်းဆေး

နည်းနည်းတော့ ရယ်စရာ ကောင်းသည်၊ နေလောင်ခံလိမ်းဆေး ထဲမှာပါသော ဓာတုပစ္စည်းများသည် အပူချိန်မြင့်မြင့် နေရာမျိုးတွင် ဓာတ်ပြယ်သွားတတ်သည်။ ပူပြင်းသော နေရောင်အောက်တွင် ကားရပ်ထားခဲ့ပါက ကားထဲထည့်ထားသော နေလောင်ခံလိမ်းဆေးသည် အာနိသင်လျော့သွား လိမ့်မည်။ ထို့ထက် ပိုပူပြင်းလာဦးမည် ဆိုပါက ဘူးပါပေါက်ထွက်သွားကာ ကားထဲမှာ အချွဲအပျစ် အနှစ်အနည်တွေ ပေကျံကာ သန့်ရှင်းရေး လုပ်ရကိန်းကြုံနိုင်သည်။

ရေဘူး

လေ့လာသုတေသန အချို့အရ ရေသန့် ပလတ်စတစ် ဘူးများထဲတွင်ပါသော BPA နှင့် ဖက်သလိတ် ဓာတုပစ္စည်းများသည် ရေဘူး ပူလာလျှင် ဓာတ်ကြွပြီး ရေနဲ့ရောသွား တတ်ကြောင်း သိရသည်။ ထိုဓာတု ပစ္စည်းများသည် ကင်ဆာနှလုံး ရောဂါများနှင့် ဆက် စပ်နေကြောင်းလည်း တွေ့ရသည်။ သို့ဖြစ်ရာ နေပူထဲ ကားရပ်ထားချိန်မျိုးတွင် ကားထဲရေသန့်ဘူး ထားခဲ့မိပါက ဓာတုပစ္စည်းများရေထဲ ပျော်ဝင်မည့် အန္တရာယ်လည်း ရှိသည်။ ထို့အပြင် ရေသန့်ဘူးကို ကားထဲတွင် ဟိုနေရာ ဒီနေရာ လျှောက်ထားခြင်းကြောင့် ရောဂါပိုးမွှားတွေ ကပ်ငြိမည့် အန္တရာယ်လည်း ရှိသည်။



လက်ကိုင်အိတ်

ကားထဲ လက်ကိုင်အိတ်တွေ၊ ပိုက်ဆံအိတ်တွေ ထားခဲ့ခြင်းသည် ဖောက်ထွင်းဝိဇ္ဇာများကို ဖိတ်ခေါ်ရာ ရောက်သည်။ အိတ်ထဲမှာလည်း အဖိုးတန် ပစ္စည်းတွေမပါ၊ ကားတံခါးလည်း သော့ခတ်ထားသည် ဆိုလျှင်ပင် အပြင်ကနေ လှမ်းမြင်နေရသော လက်ကိုင်အိတ်တွေ၊ ပိုက်ဆံအိတ်တွေသည် ဖောက်ထွင်းချင်သူများအဖို့ မက်လုံးများ ဖြစ်နေမည်မှာ သေချာသည်။ ထားခဲ့မည်ဆိုလျှင်ပင် အပြင်ကနေ လှမ်းကြည့်လျှင် မမြင်နိုင်အောင် ထားခဲ့ပါ။ အကောင်းဆုံးမှာ လုံးဝ မထားခဲ့ဖို့ ဖြစ်သည်။

မျက်မှန်

အချို့ကားများတွင် နေကာမျက်မှန် ထည့်ဖို့ အံဝှက်သပ်သပ် ပါသည်။ ကားမောင်းနေတုန်း မျက်မှန်ကို ထိုအံဝှက်ထဲ ထည့်ထားခြင်းသည် ကိစ္စမရှိ။ ရပ်ထားပြီး မိမိ အပြင်ထွက်နေ ချိန်မျိုးတွင်တော့ မျက်မှန်ကိုပါ ယူသွားတာ ပိုကောင်းလိမ့်မည်။ ရပ်ထားခဲ့သော ကားအတွင်း အပူဒဏ်ကြောင့် မျက်မှန်သည် ပလတ်စတစ်ကိုင်း ဖြစ်ပါက ကိုင်းအနေအထား ပျက်ယွင်းနိုင်သလို၊ သတ္တုကိုင်းဖြစ်ပါကလည်း တော်တော်နဲ့ ဝတ်မရအောင် ပူခြစ်နေနိုင်သည်။ မျက်မှန်တွေ၊ နေကာမျက်မှန်တွေကို ဒက်ရ်ှဘုတ်ပေါ် တင်ထားခဲ့တာမျိုးတော့ လုံးဝ လုံးဝ ရှောင်ကြဉ်ပါ။ အထူးသဖြင့် နေပူထဲရပ်ခဲ့မိပါက ကားရှေ့ လေကာမှန်သည် မှန်ဘီလူးကဲ့သို့
နေရောင်ကို စုစည်းပေးနိုင်သည်ဖြစ်ရာ မျက်မှန်ပေါ်သာ ထိုနေရောင် တည့်တည့်ထိုးကျပါက မျက်မှန်ကို မီးကင်နေသည့်နှယ်ဖြစ်ကာ ပျက်စီးကိန်း ကြုံရနိုင်သည်။

အရေးကြီး စာရွက်စာတမ်းများ

စာတိုက်ကနေပို့မည့် ကိုယ်ရေးကိုယ်တာ စာရွက်စာတမ်းများ၊ ဖျက်ဆီးပစ်ဖို့ ရည်ရွယ်ထားသည့် စာရွက်စာတမ်းများရှိပါက ပို့စရာရှိတာ အရင်ပို့၊ ဖျက်ဆီးစရာရှိတာ အရင်ဖျက်ဆီးလိုက်ပါ။ ကားထဲမှာ မထားခဲ့ပါနဲ့ဟု အကြံပြုလိုသည်။ အလုပ်ကိစ္စ အရေးကြီး စာရွက်စာတမ်းများကိုလည်း ကားထဲက ထွက်သည်နှင့် တစ်ပါတည်း ယူသွားပါ။ ဘွဲ့လက်မှတ်၊ အခွန်ပြေစာ စသည့် မိမိနှင့်ဆိုင်သော အချက်အလက်များ ပါဝင်သည့် စာရွက်များကိုလည်း ကားထဲမှာ ဒီအတိုင်း မထားခဲ့ပါနဲ့။ ကားဖောက်ထွင်းခံရပါက ထိုစာရွက်များမှ တစ်ဆင့် မိမိပုဂ္ဂိုလ်ရေး အချက်အလက်များ ပေါက်ကြားနိုင်သည်။ ကားဖောက်ထွင်း မခံရလျှင်ပင် အပြင်ကနေ လှမ်းမြင်ရပါက အချက်အလက်များကို ဓာတ်ပုံရိုက်ယူ၊ မှတ်သားယူသွားခြင်း နည်းဖြင့်မိမိ၏ ပုဂ္ဂိုလ်ရေး အချက်အလက်များ မသမာသူများ လက်ထဲသို့ ရောက်သွားမည့် အန္တရာယ်ရှိသဖြင့် ထိုစာရွက်များ ကားထဲမထားတာ အကောင်းဆုံး ဖြစ်သည်။

နိုင်ငံကူး လက်မှတ်ခရီး သွားသည့်အခါ ကားထဲ နိုင်ငံကူးလက်မှတ် လုံးဝမထားခဲ့ပါနဲ့။ မိမိသွားလေရာ မဖြစ်မနေ သယ်သွားပါ။ နိုင်ငံကူးလက်မှတ်လောက် ပုဂ္ဂိုလ်ရေးအချက်အလက် စုံစုံလင်လင် ပါဝင်တာမရှိ။ ထိုလက်မှတ်သာ အခိုးခံလိုက်ရလျှင် မိမိဖြစ်တည်မှု တစ်ခုလုံးကို မသမာသူများ လက်ထဲသို့ ထည့်ပေးလိုက်ရာ ရောက်နိုင်သည်။ ထိုအချက်အလက်များသုံးကာ ပတ်စ်ပို့အတု၊ မှတ်ပုံတင်တု၊ ခရက်ဒစ်ကတ်တု၊ လိုင်စင်အတု စသည် စသည်ဖြင့် များစွာ ပွားယူနိုင်သည်ဖြစ်ရာ ထိုအတုများကို မိလျှင် သက်ဆိုင်ရာက မိမိအိမ်ကို ဦးဆုံးပေါက်ချ လာလိမ့်မည်။ ရှင်းလို့မဆုံးနိုင်အောင် ဖြစ်ရလိမ့်မည်။ တကယ်တမ်းပြောရလျှင် ပုဂ္ဂိုလ်ရေး အချက်အလက်များသည် စိန်၊ ရွှေများထက်ပင် တန်ဖိုးကြီးသေးသည်။ မည်သူမျှ ကားထဲတွင် တန်ဖိုးကြီး စိန်၊ရွှေများ ဒီအတိုင်း ထားခဲ့လိမ့်မည်မဟုတ်။ ထို့နည်းတူ နိုင်ငံကူးလက်မှတ်ကိုလည်း မထားခဲ့ဖို့ နှိုးဆော်လိုသည်။

ဝိုင်

ဝိုင်သောက်ချင်လျှင် အိမ်ပြန်ခါနီးမှ ဝင်ဝယ်သွားပါ။ ကြိုဝယ်ထားပြီး ကားထဲ ထားခဲ့မိလျှင် ကားထဲမှာ ပူလွန်းပါက ဝိုင်အရသာ ပျက်သွားတတ်သည်။ ပူလွန်းသည့် နေရာတွင် ကြာကြာရှိနေလျှင် အထဲကဝိုင်သည် ပွလာကာ အဆို့ဘေးကနေ စိမ့်ထွက်တာမျိုး ဖြစ်တတ်သောကြောင့် ဝိုင်အာနိသင် ကျဆင်းရတတ်သည်။

Ref: 9 Things You Should Never, Ever Leave in the Car BY MARISSA LALIBERTE (Reader’s Digest)

Credit: internetjournal.media


Contact Us

Name

Email *

Message *

Back To Top