သင် ဘယ်လောက် အရက်မူးနေလည်း ဆိုတာ တိုင်းတာပေးမယ့် လက်ပတ်

Milo Sensors က CES 2017 မှာ ဘယ်လောက် အရက်မူးနေလဲဆိုတာကို တိုင်းတာပေးမယ့် Proof လက်ပတ်ကို မိတ်ဆက်လိုက်ပါတယ်။ သူဟာ ကိုယ်လက်လှုပ်ရှားမှု တိုင်းတာတဲ့ လက်ပတ်များနဲ့ ဆင်တူပါတယ်။ သူက သင့်အရေပြားမှ Alcohol Molecules များကို ဖတ်ခြင်းဖြင့် တိုင်းတာပေးတာ ဖြစ်ပါတယ်။
အင်ဇိုင်းအခြေပြု Electrochemical Sensor က အယ်လ်ကိုဟောကို လျှပ်စစ်စီးကြောင်း အဖြစ် ပြောင်းလဲပေးပြီး သွေးတွင်း အယ်လ်ကိုဟော ပမာဏ (BAC) ကို Android , iOS App များမှာ ပြသပေးမှာပါ။ သူငယ်ချင်းများနဲ့ ၀ိုင်းဖွဲ့အရက်သောက်နေစဉ်မှာ သင်ဘယ်လောက် အရက်မူးနေလဲဆိုတာကို စစ်ဆေးနိုင်မှာပါ။ အရက်အလွန်အကျွံ သောက်သုံးတတ်သူများအတွက် လစ်မစ်ကို ချိန်ဆဖို့အတွက် အသုံးဝင်ပါတယ်။
သွေးတွင်း အရက်ပမာဏကို တိုင်းတာပေးနိုင်သလို နောက်ထပ် ဘယ်လောက်မူးဦးမလဲဆိုတာကိုပါ သူက ခန့်မှန်းပေးပါတယ်။ သူက သတ်မှတ်ထားတဲ့ လစ်မစ်ရောက်ရင်လည်း အသိပေးနိုင်ပါတယ်။ ဒါ့အပြင် သင်အရက်မူးပြေမယ့် အချိန်ကိုပါ သူက သိပါတယ်။ အရက်သောက်ပြီး ကားမောင်းမယ့် လူများအတွက်လည်း သူက အန္တရာယ်ကင်းမယ့် အချိန် တစ်နည်းအားဖြင့် ကားမောင်းနိုင်လောက်အောင် မမူးသေးတဲ့ အချိန်ကို အကြံပြုပေးနိုင်ပါတယ်။
သင့်ရဲ့ ချစ်ဇနီးကလည်း App ကနေတစ်ဆင့် သင့် လစ်မစ်ကို အချိန်နဲ့တစ်ပြေးညီ ကြည့်နိုင်ပါတယ်။ Proof ကို ၂၀၁၇ ခုနှစ်မှာ ထုတ်လုပ်ရောင်းချဖို့ ၀က်ဆိုက်တစ်ခုကနေ ရန်ပုံငွေ ကောက်ခံဖို့ စီစဉ်နေပါတယ်။ ဒေါ်လာ ၁၀၀ ကနေ ၁၅၀ ကြား တန်ကြေးရှိမှာပါ။
Ref: digitaltimes.com.mm