iPhone နဲ့ ဆယ်လ်ဖီ ရိုက်တဲ့အခါ ဓါတ်ပုံအရည်အသွေး အဆတစ်ရာ ကောင်းမွန်သွားစေမယ့် လျှို့ဝှက်ချက်

iPhone နဲ့ ဆယ်လ်ဖီ ရိုက်တဲ့အခါ ဓါတ်ပုံအရည်အသွေး အဆတစ်ရာ ကောင်းမွန်သွားစေမယ့် လျှို့ဝှက်ချက်

ကြည်လင်ပြတ်သားမှု(Resolution) အရည်အသွေး နိမ့်တဲ့ ဆယ်လ်ဖီ ဓါတ်ပုံတွေဟာ ၂၀၁၃ ခုနှစ်လောက်မှာ ကျန်ခဲ့ပါပြီ။ လက်ရှိအချိန်မှာတော့ အရည်အသွေး အကောင်းဆုံး ဆယ်လ်ဖီ ဓါတ်ပုံတစ်ပုံ ရိုက်နိုင်ဖို့အတွက် ဘယ်လို Apps  တွေ ၊ Tools တွေကို သုံးရမယ်ဆိုတာ အားလုံး သိကြပါတယ်။ ဘာပဲ ဖြစ်ဖြစ် သင့်ဆီမှာ iPhone တစ်လုံးရှိတယ်ဆိုရင်တော့ သင်သိထားသင့်တဲ့ လျှို့ဝှက်ချက် လေးတစ်ခုကို ပြောပြချင်ပါတယ်။ အဲဒါကတော့ HDR ဆိုတဲ့ Setting တစ်မျိုးပဲ ဖြစ်ပါတယ်။
 
High Dynamic Range ဆိုတဲ့ HDR mode ရဲ့  သဘောတရားကတော့ သင့်အနေနဲ့ HDR သုံးပြီး ဓါတ်ပုံတစ်ပုံ ရိုက်လိုက်တဲ့အခါမှာ သင့်ဖုန်းဟာ ဓါတ်ပုံ ၃ ပုံတိတိ တစ်ပြိုင်နက် ရိုက်ယူထားလိုက်ပါတယ်။ တစ်ပုံကတော့ Overexposed ဖြစ်ပြီး အလင်းနဲ့ တောက်ပမှု ပိုမိုနေမှာပါ။ နောက်တစ်ပုံကတော့ Underexposed ဖြစ်ပြီး အမှောင် ဘက်ကို ပိုမို ထုတ်လုပ်ပေးထားမှာပါ။ နောက်ဆုံး တစ်ပုံကတော့ အဲဒီ နှစ်ပုံရဲ့  ကြား အနေအထားမျိုးပါ။ အဲဒီနောက်မှာတော့ ဓါတ်ပုံ ၃ ပုံလုံးကို ပေါင်းစပ်ပေးပြီး မလိုအပ်တဲ့ အစိတ်အပိုင်းလေးတွေကို ဖယ်ရှားပေးပြီး အရောင်တွေကို တိုးမြှင့် ပေးလိုက်တဲ့အတွက် အကောင်းဆုံး အနေအထား ဖြစ်သွားတဲ့ ဓါတ်ပုံ  ၁ ပုံကို သင်ပိုင်ဆိုင်လိုက်ရမှာပါ။ 
 
သင့် ဘက်က လုပ်ဆောင်ဖို့လိုအပ်တာကတော့ HDR mode ကို ဖွင့်လိုက်ဖို့ပါပဲ။ သင့် iPhone နဲ့ ဓါတ်ပုံ ရိုက်တော့မယ်ဆိုရင် ကင်မရာ အက်ပလီကေးရှင်း ရဲ့  ဘယ်ဘက် အပေါ်ထောင့်မှာ ရှိတဲ့ HDR ဆိုတဲ့ စာသားလေးကို နှိပ်လိုက်ရုံပါပဲ။ ဒါ့အပြင် အလိုလျောက်စနစ် အဖြစ်လည်း Auto HDR ကို အသုံးပြုနိုင်ပါတယ်။ Auto HDR mode ကတော့ သင်ရိုက်ကူးလိုက်တဲ့ ဓါတ်ပုံမှာ အလင်း ၊ အမှောင် နဲ့ အရောင် တွေ လိုအပ်မှု ရှိတယ်လို့ ဖုန်းက ခံစားမိရင် HDR mode ကို အလိုလျောက် ဖွင့်ပေးမှာ ဖြစ်ပါတယ်။
Ref: trend.com.mm 



Contact Us

Name

Email *

Message *

Back To Top