အိုင်ဖုန်းမှာ ဖုန်းခေါ်သံမမြည်တော့ရင် ဒါလေးတွေ စမ်းကြည့်ပါ

အိုင်ဖုန်းမှာ ဖုန်းခေါ်သံမမြည်တော့ရင် ဒါလေးတွေ စမ်းကြည့်ပါ

ကိုယ်ကိုယ်တိုင် အလွယ်ကူဆုံး စမ်းသပ်နိုင်တဲ့ နည်းလေးတွေပါ။
ဖုန်းတစ်လုံးမှာ ဘာအရေးကြီးဆုံးလဲလို့ မေးရင် ဖုန်းပြောဖို့ က အဓိကလို့ အားလုံးက တညီတညွတ်တည်းပြောကြမှာပါ။ တကယ်လို့ ကိုယ့်ဖုန်းမှာ ဖုန်းခေါ်သံမမြည်တော့ရင် အတော်စိတ်ပျက်ဖို့ ကောင်းမှာ ဖြစ်ပါတယ်။ဒီကိစ္စလောက်နဲ့ service center လည်းမသွားချင်ဘူး။ ကိုယ့်ဘာသာ ဖြေရှင်းကြည်ချင်တယ်ဆိုရင် ဒီအတွက် စိတ်မပူပါနဲ့ ။ အိုင်ဖုန်းတစ်လုံး အသံမမြည်တော့ဘူးဆိုရင် ယခုပြောမယ့် နည်းလမ်း ၇ မျိုးနဲ့ သာ စမ်းကြည့်ပါ။ အဆင်ပြေသွားမှာ ဖြစ်ပါတယ်။
နည်းလမ်း (၁) Do Not Disturb ကို ပိတ်ထားလိုက်ပါ။
play

ဖြစ်တတ်တာက ဖုန်းခေါ်သံမမြည်တော့ရင် Do Not Disturb option ကို ဖွင့်ထားမိလို့ လည်း ဖြစ်နိုင်ပါတယ်။ တခါတလေ ကိုယ့်ဘာသာ အေးအေးဆေးဆေးနေချင်လို့ မေ့ပြီး ပိတ်ထားမိတယ်ဆိုရင် ဖုန်းခေါ်သံကြားရမှာ မဟုတ်ပါဘူး။ ဒီတော့ အိုင်ဖုန်းscreen ဘယ်ဘက်ထိပ်နားသွားပြီး လခြမ်း ပုံလေးကို တွေ့ အောင် ရှာကြည့်ပါ။ ဒါဟာ Do Not Disturb mode ပွင့်နေတယ်လို့ ပြောတာပါ။ ဒါဆိုရင် အဆင့် ၁ အနေနဲ့ ဖုန်းအောက်ခြေကို swipe up လုပ်ပြီးတင်လိုက်ရင် Command Center တက်လာပါလိမ့်မယ်။ ဒီထဲကမှ လခြမ်းပုံလေးကို ပိတ်လိုက်ပါ။
နည်းလမ်း (၂) ဖုန်းမြည်အသံနှုန်းစစ်ပြီး အသံတင်ထားပေးပါ။
တကယ်လို့ Do Not Disturb လည်း ပွင့်မနေရင် ကိုယ့်ဖုန်းမှာ ringing volume တိုးနေသလား ဆိုတာကို စစ်ဆေးပါ။ Settings ကနေ Sound ကိုသွားပြီး Ringtone and Volume options ကို စစ်ကြည့်ပါ။ ပြီးတာနဲ့ Silent ခလုတ်ပွင့်နေသလားလည်း စစ်ဆေးပါ။ ပြီးတာနဲ့ အိုင်ဖုန်းရဲ့အသံနှုန်းကို အမြင့်ဆုံး တင်ထားလိုက်ပြီး ကိုယ့်ဖုန်းကို တစ်ခြားဖုန်းတစ်လုံးနဲ့ စမ်းခေါ်ကြည့်လိုက်ပါ။
နည်းလမ်း (၃) အိုင်ဖုန်း Settings ကို စစ်ဆေးပါ။
play

အဝင်ဖုန်းသံလည်း မကြားရဘူးဆိုရင်တော့ အိုင်ဖုန်းရဲ့ ဆက်တင်ကို စစ်ဆေးကြည့်ရအောင်။ ဒီလိုစစ်ဖို့ ဆို Settings ဖွင့်ပြီး Phone ကို နှိပ်ပါ။ ပြီးတာနဲ့ Call Forwarding ကို ဆက်နှိပ်ပါ။ တကယ်လို့ ဒီခလုတ်က ပွင့်နေတယ်ဆိုရင် ဒီကောင်လေးကို ပြန်ပိတ်ပေးပါ။
(၄) နားကြပ်တွေလည်း စစ်ကြည့်လိုက်ပါ။
ဖုန်းခေါ်ဆိုမှုတွေကို လက်ခံဖို့ နားကြပ်သုံးတတ်တယ်ဆိုရင် နားကြပ်ပြန်တပ်ပြီး ပြန်ဖြုတ်ကြည့်လိုက်ပါ။တစ်ခါတစ်လေမှာ နားကြပ်ကို ထိန်းချုပ်တဲ့ ဆော့ဖ်ဝဲလ်ကြောင့်လည်း အိုင်ဖုန်းမှာ ပြဿနာရှိတတ်ပါတယ်။ နားကြပ်ပေါက်ထဲမှာ အမှိုက်နဲ့ ဖုန်တွေ ဝင်နေသလား ကြည့်ပြီး ရှင်းထုတ်လိုက်ပါ။ ပြီးတာနဲ့ နားကြပ်ပေါက်တပ်ပြီး လေးငါးကြိမ်လောက် နားကြပ်နဲ့ ဖုန်းစမ်းခေါ်ကြည့်လိုက်ပါ။ ဒါဆိုရင် အိုင်ဖုန်းမှာ နားကြပ်နဲ့ စပီကာအသံပိုင်းမှာ mode ပြဿနာရှိနေရင် ရှင်းသွားမှာ ဖြစ်ပါတယ်။

(၅) အိုင်ဖုန်းကို ပြန်ပြီး Restart လုပ်ကြည့်ပါ။
အလွယ်ဆုံးနည်းလမ်းတစ်ခုကတော့ အိုင်ဖုန်းကို ပြန်ပြီး မောင်း restart လုပ်ခြင်း ဖြစ်ပါတယ်။ ဒါကခက်လည်းမခက်ပါဘူး။ ဖုန်းဘေးက Sleep/Wake ခလုတ်ကို ဖိထားလိုက်ပါ။ ပြီးတာနဲ့ အိုင်ဖုန်းကို ပိတ်ချလိုက်ဖို့ Slide to power off ကို ဆွဲလိုက်ပါ။ အိုင်ဖုန်းစကရင် မှောင်ကျသွားရင် Sleep/Wake ခလုတ်ကိုပဲ ပြန်နှိပ်ထားလိုက်ပါ။
(၆) နောက်ဆုံးထွက် iOS ဗားရှင်းကို update တင်ပါ။
iOS ဗားရှင်းတစ်ခုမှာ ပြဿနာရှိနေရင် သူ့ နောက်အသစ်ထွက်တဲ့ update ဗားရှင်းကို တင်လိုက်တာနဲ့ ဆော့ဖ်ဝဲလ်ပြစ်ချက်တွေနဲ့ အိုင်ဖုန်းအသံမမြည်တဲ့ တစ်ခြား ပြဿနာများကိုပါ ဖြေရှင်းပေးနိုင်မှာ ဖြစ်ပါတယ်။ အိုင်ဖုန်းတစ်လုံးကို back up ပြန်ဆယ်ပြီးတာနဲ့Settings ထဲဝင်ပြီး General ကိုနှိပ်လိုက်ပါ။ ဒါဆိုရင် Software Update ကို တွေ့ မှာ ဖြစ်ပါတယ်။ အဲဒီမှာ update တွေ့ နေပြီဆိုရင် Install Now ကို ရွေးလိုက်ပါ။ တကယ်လို့ update သွင်းပြီးသွားပြီဆိုရင် စက်ဟာ သူ့ ဘာသာ ပြန်ပြီး အစကနေ ပြန်မောင်းသွားမှ ဖြစ်ပါတယ်။ ဒီလို update တင်ပြီးသွားတာနဲ့ ဖုန်းသံမမြည်တဲ့ ကိစ္စလည်း တစ်ခါတည်း ရှင်းသွားတတ်ပါတယ်။
(၇) အိုင်ဖုန်းကို Factory Reset ချခြင်း
အခုပြောခဲ့တာတွေကို စမ်းကြည့်လို့ မှ ဖုန်းက အသံမြည်မလာဘူးဆိုရင် ဖုန်းကို အသစ်ပြန်ဖြစ်အောင် လုပ်ရတော့မှာပါ။ အိုင်ဖုန်းမှာ ဒေတာတွေ ပြန်ဆယ်ထားဖို့  iTunes ကို သုံးပြီး factory setting ထဲ ဝင်ရမှာ ဖြစ်ပါတယ်။ ဒါဆိုရင် ကိုယ့်ဖုန်းမှာ ထည့်ထားသမျှ အက်ပ် ၊ ဖိုင်နဲ့ ဆက်တင်ချိန်ထားတာတွေ အကုန်လုံး ပျက်သွားမှာပါ။ ဒါ့ကြောင့် အိုင်ဖုန်းတစ်လုံးကို factory reset မချခင် backup မဖြစ်မနေလုပ်ဖို့ မမေ့ပါနဲ့ ။ ဒါအရေးကြီးပါတယ်။ ပြီးတာနဲ့ ကိုယ့်ရဲ့ကွန်ပျူတာပေါ်က iTunes ရဲ့ နောက်ဆုံးဗားရှင်းကို install သွင်းထားဖို့ လိုပါတယ်။
 ပြီးပြီဆိုရင် Settings ကနေ iCloud ကို သွားပြီး Find My iPhone ကို ပိတ်လိုက်ပါ။ပြီးတာနဲ့ အိုင်ဖုန်းကို ကွန်ပျူတာနဲ့  USB cable သုံးပြီး ချိတ်လိုက်ပါ။ ကွန်ပျူတာပေါ်က iTunes ဟာ အလိုလို ပွင့်လာမှာပါ ။ တကယ်လို့ မပွင့်ရင် iTunes icon ပေါ်ကို နှစ်ချက်ကလစ်နှိပ်ပြီး ဖွင့်ရမှာ ဖြစ်ပါတယ်။ အဆင့် ၂ အနေနဲ့ iTunes အပေါ် ညာဘက်ထောင့်က ကိုယ့်အိုင်ဖုန်းကို ဖွင့်ပြီး Restore iPhone ကိုနှိပ်လိုက်ပါ။ iTunes ကနေ ကိုယ့်အိုင်ဖုန်းမှာ ဒေတာပြန်ဆယ်မလားဆိုပြီး မေးတဲ့စာပေါ်လာမှာဖြစ်ပါတယ်။ ပြီးတာနဲ့Yes လို့ ရွေးလိုက်ရင် အိုင်ဖုန်းက ဒေတာတွေကို ဖျက်ပစ်ပြိး factory settings ကို ပြန်ဆယ်ဖို့ ပွင့်သွားမှာပါ။ ဒါဆိုရင် Restore ကို ပြန်ပြီး အတည်ပြုပေးရမှာ ဖြစ်ပါတယ်။ iTunes ဟာ အိုင်ဖုန်းကို ဖျက်ပြီး နောက်ဆုံးထွက် iOS ဆော့ဖ်ဝဲလ်ကို သွင်းပေးသွားမှာပါ။ ဒါပြီးရင်တော့ စက်ကို restart ချပေးသွားမှာ ဖြစ်ပြီး ပြဿနာ မရှိတော့တဲ့ ဖုန်းအသစ်စက်စက်တစ်လုံးကို တွေ့ ရတော့မှာ ဖြစ်ပါတယ်။
ယခုနောက်ဆုံးပြောခဲ့တဲ့ အချက်ကို ကိုယ်တိုင်လုပ်ဖို့ အခက်အခဲ ရှိသူများအနေနဲ့ မိမိတို့ နီးစပ်ရာ မိတ်ဆွေများကိုလည်း အကူအညီတောင်းပြီး လုပ်ဆောင်နိုင်ပါတယ်။ ဒါတွေကတော့ အလွယ်ကူဆုံး အိုင်ဖုန်းအသံပျောက်တာကို ဖြေရှင်းနည်းများပဲ ဖြစ်ပါတယ်။
Credit: duwun.com.mm



Contact Us

Name

Email *

Message *

Back To Top