Samsung Galaxy S8 မှာ ဘတ်ထရီပြဿနာ ရှိနိုင်သေးလား


Samsung ဟာ ပြီးခဲ့တဲ့ ၂၀၁၆ ခုနှစ်မှာ Galaxy Note 7 စမတ်ဖန်း ပေါက်ကွဲမှုများကြောင့် Samsung ရဲ့ သက်တမ်းတစ်လျှောက်မှာ အရှုံးပေါ်ခဲ့ရပြီး ယခုချိန်မှာတော့ Samsung Galaxy S8 ကရော ဘတ်ထရီပြဿနာရှိသေးလား ဆိုတဲ့ မေးခွန်းတွေက မေးစရာဖြစ်နေသေးပါတယ်။

Samsung ရဲ့ Galaxy S8 ဟာ ထူးခြားတဲ့ feature များစွာပါဝင်ပြီး iPhone အသုံးပြုသူတွေတောင် Galaxy S8 ကို အသုံးပြုဖို့ စဉ်းစားနေတယ်လို့ သတင်းတွေ ထွက်ပေါ်ခဲ့ပါသေးတယ်။ ဒါပေမယ့် မတ်လ ၂၈ ရက်နေ့ မနက်ပိုင်းမှာ ကျင်းပတဲ့ စင်ကာပူနိုင်ငံရှိ Samsung Experience Store မှာ အသေးစားမီးလောင်မှု ဖြစ်ပွားခဲ့ပါတယ်။ ဖြစ်ဖြစ်ချင်းမှာဘဲ လုံခြုံရေးအတွက်ဆိုပြီး ဆိုင်တံခါးကို ပိတ်ချလိုက်တဲ့အတွက် ဘယ်ကနေ ဘယ်လိုစမှန်း ဘယ်သူမှ မသိနိုင်ပါဘူး။

လက်ရှိမှာတော့ Samsung ကနေ အသေးစားမီးလောင်မှုကြောင့် ပျက်စီးသွားတဲ့ ပစ္စည်းတွေရဲ့ တန်ဖိုးကို တွက်ချက်ဆဲဖြစ်ပြီး အသေးစိတ်ကို ထပ်မံထုတ်ပြန်ပေးမှာ ဖြစ်တယ်လို့ ဆိုပါတယ်။ မီးလောင်သွားတဲ့နေ့ကတော့ Samsung Galaxy S8 ကို မိတ်မဆက်မှီ တစ်ရက်အလိုမှာ ဖြစ်ပါတယ်။ Samsung ဟာ Galaxy Note 7 ဖုန်းများ မီးလောင်ရုံသာမက Note 7 ဘတ်ထရီထုတ်ပေးတဲ့ စက်ရုံပါ မီးလောင်မှု ဖြစ်ပွားခဲ့ပါတယ်။ ယခုတဖန် Galaxy S8 မိတ်မဆက်မှီ စင်ကာပူနိုင်ငံမှာ အသေးစားမီးလောင်မှု ထပ်မံဖြစ်ပွားခဲ့တဲ့အတွက် အချို့သော သူများကတော့ Galaxy S8 မှာ ရော ဘတ်ထရီပြဿနာကို အမှန်တစ်ကယ် ဖြေရှင်းပြီးပြီ ဆိုတာကို သံသယ၀င်လျက်ရှိပါတယ်။
Credit: SunthitMyanmar